هذي الكذب عندها ماشي سوقه .. جيب لكم ذيك السالفة وتدري انكم ما تصدقونها بس ماعليها من أحد
(سيارتي وسيارتي وهي حتى قاري ماعندها
فلانه تدرين من خطبني فلان الفلاني اصل.. و... فصل وجمال و..و...و بس رفضته!!!!
وااااااي وين ماروح الكل معجب فيني بس انا مااآا أعطي وجه
__________
4- العصبيه ::
فيه نوعية من البنات تعصب بسرررررعة .. و ما تخلي أحد ما تتهاوش معاه... ولو تقولين لها اشفيش...؟
حذفتج بأكبر ما عندها
هذي لو تمر الذبانه عند خشمها ياويلها....<< راحت الذبانه
____________________________
5-الملسونه :
عسى ما تقولين لها كلمه إلا ردت عليج بعشر.
و حاطه دووبها دووب الناس ما تخلى احد بحاآآله....
_____________________________
6-القراااقه :
هذي النوعية تخلي الوحده تصدع
يعني تسولف.. تسولف... تسولف... ويالله سكتها إذا كنت شاطر
من وين تجيب هالسوالف ماأدري.. وأتحدى إن خلتج تسولفين...^^
_____________________________
7- المسكينه :
فيه بنات مساكين لكن مو واجد .. هذولي البنات يرضون بأي شيء ..
كل شي عندها ايه.... اللي تبونه .. ما تعرف كلمة...." لا" ...
لو تقطينها بشبرماي تغرق...
______________________________ _
8- فرفووووشة:
يعني تحب الضحك والفرفشة والتعليق .. النكد والغم ما تعرفة ..
و تتعب نفسياً اذا قعدت مع ناس دمهم ثقيل
وحتى لو كان ما معاها احد يضحك ويسولف .. تروح تشوف وجها بالمنظرة وتقعد تعلق على نفسها وتضحك
______________________________ _
9- المغروورة:
و يااااكثر البنات اللي شايفين روحهم .. بعض البنات يحق لها تشوف نفسها..
لكن اللي ما يحق لها .. على شنو شايفة نفسها ... مادري..؟؟
ما تكلم الناس إلا من طرف خشمها
نصيحه : النوعبه هاآآذي من البنات ابعدوو عنها لأنها ما تستهال حتى الوحده تطالع فيها..>< ...
_____________________________
10- العنيدة:
في بنات راسهم ياااااااااااااابس
يعني إذابغوا شي سوووتـه وماهمها أحد..
تنجلد.. تنطق.. تنحبس.. تتصفق.. ترضخ فالعقال ..ماعليها أهم شي: اللي في بالها سوته
______________________________ _
11-الحنانه :
هذي الفئة ماشيه على هالمثل..( كثر الدق يفك اللحام )
هذيياويلك منها إذا بغت شي خذته بس مو بالعناد لا بالدندره
يعني إذا بغت شي تقعد تحــــــــــــــــــــــــــــ ـن على راسج لما تعطيها اللي تبيه عشان تفتك من حنتها
___________________________
12-الكريمة:
هذي عجيبه....^^
عسى ماتقول "أبي شي" إلا وهيه جايبته لك ..
وإذا راحت مكان خلصت اللي في البوك كله ...
______________________________
13- غيورة :
كل البنات يغارون لكن بنسبه تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زيـــــــــــنة....
لكن البعض الآخر: يغاررون و يحشووون و يحقدون وهذي الغيرة شينة
______________________________ _
14-مهووسه اسوااق
هذي لو تجيبين طاري السوق وهي نايمه فزت
و دووووم بالسوق ..لو ما تشتري بس تروح السوق هذي هي هوايتها
______________________________ ___
16-الشيفة :
تلقاها دايم في المطبخ تحوس..
ماتسولف إلا عن الطبخ والمطبخ..
وماتروح عند احد إلا وصنف من أصناف الطبخ سابقها
_______________________
-17 أم دميعة :
هذي لو تقولها ..هيّ.. بجت
دمعتها قريبة وعلى طول تبجي
ـــــــــــــــــــــــــــــــــــــــــــــ
-18المليقة:
وهذي مسكينة غثيثه واهيه ماتدري تحاول تسولف وتجذب الانتباه بس محد صوبها سوالفها بايخه وغبيه وعبالها كلش اسكت مع سوالفها وغشمرتها ثقيلة وسخيفه
