~ °®» Au$h «®° ~
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

~ °®» Au$h «®° ~

-• To GeTheR 4 EvEr•-
 
الرئيسيةالبوابةمكتبة الصوربحـثالتسجيلدخول
الـــمنـــتدى قــــ ي ـــــد الـــتـجـديـد ..

شاطر | 
 

 شاب من غزة يصف حياته في 20 يوم من القصف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حـــــ الــــروح يـــــآة
حبوب جامد
حبوب جامد
avatar

انثى
عدد المساهمات : 385
العمر : 22
الموقع : -_-
العمل/الترفيه : ولاشـــيـ غـــير الاغــــآآآنيـ
المزاج : دنيــــــآآآآ غدرتـــ فينيـــ
للأذكياء فقط !!! :
0 / 1000 / 100

التقيد بالقوانين :
100 / 100100 / 100

المزاآاجـ :
الجنــــسـيـــة :
السٌّمعَة : 0
تاريخ التسجيل : 02/08/2009

مُساهمةموضوع: شاب من غزة يصف حياته في 20 يوم من القصف   الثلاثاء 01 سبتمبر 2009, 6:38 pm

.

هاد النص كتبو شب مدني من غزة بيوصف فيه حياتو اليومية ، يمكن مكتوب بصيغة مزح بس
بتضل حقيقة الحصار و الخوف و الموت بتطل من كل كلمة فيه


مكتوب بلهجة غزاوية بسيطة
في دليل على الصمود رغم كل شي



اقرؤو ... اضحكو شوي .. و ابكو شوي .. مو شر البلية ما يضحك ؟؟


وما تنسو أهل غزة من دعائكم





اليوم العشرين.. وليلة من قاع الكيلة..



واجا اليوم العشرين..
وكل يوم بنقول هادة أقوى يوم.. وأعنف يوم ..
لا بس بجد.. اليوم أعنف وأقوى يوم شفناه..
كنا نشوف أغلب القصف على التلفزيون .. هلقيت صار قدامنا مباشر..


طول الليل الدنيا تضوي وتطفي.. زي الألعاب النارية..
بس العالم الألعاب النارية عندها من الأرض للسما.. إلا في غزة.. من السما للأرض..



هيهم وصلوا تل الهوى.. يعني بشيكل بكونوا عنا.. مش بشيكل ونص حتى..


أنا قاعد عالكمبيوتر.. وأهلي كلهم مجتمعين قالبين محللين عسكريين.. وعاملين غرفة عمليات مشتركة.. ومستغربين اني قاعد عالنت.. على أساس إنو الدنيا حرب لازم أضل قاعد ألطم..


تلت أسابيع قاعدين في الدار لا طلعة ولا نزلة.. ولا شغلة ولا مشغلة.. فش كهربا ولا ميا.. من كتر الزهق من القعدة الواحد بتحير ايش يعمل في الدار..


مرات بقعد أعد البلاط.. ومرات أكم كسرة في الستارة.. وأحياناً بقعد ألعب في الجوال (في حال كان فيه بطارية).. أو بقعد أتشغل في واحد من اخواتي..
ما علينا.. الحلو في الموضوع انه شلومو بتبين حنيته في وقت الحرب ..


بقولك حفاظاً على رفاهية الشعب.. اعطونا تلت ساعات تهدئة في اليوم..


الواحد يعمل فيهم اللي بده اياه..
وأحلى ما فيهم انهم مشكلين..
يوم من الوحدة للأربعة..


ويوم من التمنية للحدعش..
ويوم من العشرة للوحدة..


وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة..


والله الواحد بتحير ايش يعمل في التلت ساعات .. مسافة ما يفكر وين يطلع (على أساس ضل مكان في غزة الواحد يروح عليه) بكونوا خلصوا..


اليوم قعدت أفكر أفكر ايش أعمل..
لقيت احسن اشي أعمله اني أنام..
عشان الجو بكون هدوء وفش صوت قصف (نسبياً) ..
لأنه طول الليل صوت القصف وصوت الزنانات بخليش الواحد يعرف ينام.. الواحد بحس انه في واحد بخرق في نافوخه بمقدح..


طول ما الواحد قاعد وهوة بسمع يا صوت صاروخ قريب.. يا بعيد..
يا بحس بهزة..
وبدينا نسمع مناطق غريبة صاروا يقصفوها..
مرة مقبرة..
ومرة صالة أفراح..
ومرة عمارة سكنية..
ومرة دار مهجورة..
أو بقصفوا مكان قصفوه قبل هيك (للتأكيد)..
طبعاً في هادي المناسبة بحب أتقدم بالشكر للطيار اللي بقصف بإنه بحدف صاروخ صغير عالدار قبل ما يجيبها نصين بالصاروخ اللي بعده..
شايفين الإنسانية لوين..
وبتقولوا عنهم عاطلين..
يعني اللي ما بصيده الصاروخ الأول..
معاه خمس دقايق ينفد بجلده قبل ما يجيب أجله الصاروخ التاني..


الأعمار بيد الله..
الواحد عنده يقين انه كل شي بأمر الله..
عالرغم بإنه الواحد بطل يخاف زي أول لما يسمع صوت صاروخ..


بس إلا إنه الخوف من انه الطيار أخو الشلن تحلو دارنا في عينه ويمزعنا صاروخ بحجة الغسيل اللي عالسطح بأثر عالزنانات..


دايما بحاول أواسي حالي بالمقولة اللي بتقول "متخفش من صوت الرصاص..


لأنه الرصاصة اللي حتقتلك مش حتسمع صوتها"..
بس هالمقولة بتنطبقش عالصواريخ..
ولا ايش رأيكم..؟


أكتر اشي بكيف عليه لما يرن تلفون الدار..
بنصير نتقاتل مين يرد عالتلفون أنا واخواتي..
عشان نحكي مع الناس اللي بتصلوا من الدول العربية..
كل واحد وحظه..
يطلع الإتصال من المغرب..
الجزائر..
مصر..
ليبيا..
السعودية..
السودان..
اليمن..
أو يتخوزق ويطلعله واحد بقولك جيش الدفاع الاسرائيلي..
ويطلع الشب بحزرك انه يكون عندك سلاح.. أو تتعامل مع واحد من المقاومة..


بس اليوم حسيت انه فش إلا تلفونا بكل غزة.. مسكتش وهوة يرن..
- ألو السلام عليكم...
- وعليكم السلام..
- معك فلانة من ليبيا.. الله معكم.. الله ينصركم.. الله يقويكم..
- تسلمي يا حجة.. إدعولنا..
- الله ينصركم ويحفظكم..
- يلا سلام عليكم..
- وعليكم السلام..


هادي عينة من المكالمات اللي بتوصلنا.. مع انها صغيرة وفهاش رغي وطق حنك .. إلا إنها بتحسس الواحد انه مش لحاله وفي حد معاه..
ويا الله لو خلال المكالمة نزل صاروخ ولا الخمسمية تاعت الأباتشي اشتغلت.. شوف العياط على التلفون ..
وبدل ما هما يصيروا يواسوك ويهدوا فيك.. احنا بنصير نهدي فيهم ونسكتهم..


لأ والشغلة الجديدة اللي غايظاني قصة الفسفور.. أنا طول عمري بسمع انه الفسفور في السمك.. وإنه مفيد للشسمو.. وكل ما الواحد كان ياكل سمك.. كان يحس حاله صار يضوي من الفسفور..
بس هان الوضع مختلف.. فسفور صح بخليك تضوي.. يعني أول ما تيجي عليك قذيفة فسفور.. وتهب فيك النار.. حيصير اللي يشوفك يقولك منور ياحج.. الله يلطف فينا..


طبعاً وقت الفراغ الواحد بحاول يستغله بإشي مفيد.. أنا استغليت وقتي برياضة جديدة.. وهية رياضة براميل الميا..
أول ما أفتح عنيا على طول بمارس الرياضة اليومية.. بطلع على سطح الدار بتفقد البراميل.. وقديش ضايل ميا.. طبعاً عن طريق الدقدقة على البرميل..
الواحد صارت أذنه موسيقية برميلية.. وصار من صوت الدقة على البرميل يعرف إذا كان فاضي ولا مليان (طبعاً هادي الكل بعرفها).. بس الجديد واللي اكتسبته مع الخبرة انه لو كان البرميل مليان أعرف أكم لتر ميا فيه..


أنا لقيت حالي لهلقيت عايش قلت أكتبلكم أحكيلكم عن وضعنا.. بكرة يمكن أكون عايش بس مش قادر أكتب.. أو مش عايش من أصلو..
إدعولنا.. إدعوا تنحل هالقصة على خير.. إدعوا للمقاومين.. إدعوا للشهدا.. إدعوا للجرحى.. إدعوا للناس الله يصبرها.. إدعوا للكل..
ولو ضل معكم وقت.. إدعولي أصير غني..


ونشوفكم على خير




يا الله كيف الصمود والقوة والعزة اللي فيه هالشاب...عنجد وكانو بيحكي وهو ما فيه الا كل خير...وبيمزح ويضحك ولا على بالو القصف والضرب،الله يثبتهم يارب وينصرهم،ويرحم شهداءهم ويلحقنا بهم باذن الله...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنوته كوول
محبوب الجماهير
محبوب الجماهير
avatar

انثى
عدد المساهمات : 2971
العمر : 20
الموقع : في كل مكان
العمل/الترفيه : كل حاجة
المزاج : مشغول بالي جداااااااااااااااااا
للأذكياء فقط !!! :
0 / 1000 / 100

التقيد بالقوانين :
100 / 100100 / 100

المزاآاجـ :
الجنــــسـيـــة :
السٌّمعَة : 6
تاريخ التسجيل : 10/11/2008

مُساهمةموضوع: رد: شاب من غزة يصف حياته في 20 يوم من القصف   الجمعة 13 نوفمبر 2009, 1:30 pm

هههههههههههههههههههههههههههههههههههههههههههههههههه
هههههههههههههههههههههههههه
ههههههههههههههههههههههههههههههههههههههه
هههههههههههههههههههههههههه
شكرا على الموضوع يا عسل
و مستين جديدك دايما يا عسل
سلاااااااااااااااااااااااااام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.aush.hooxs.com
حـــــ الــــروح يـــــآة
حبوب جامد
حبوب جامد
avatar

انثى
عدد المساهمات : 385
العمر : 22
الموقع : -_-
العمل/الترفيه : ولاشـــيـ غـــير الاغــــآآآنيـ
المزاج : دنيــــــآآآآ غدرتـــ فينيـــ
للأذكياء فقط !!! :
0 / 1000 / 100

التقيد بالقوانين :
100 / 100100 / 100

المزاآاجـ :
الجنــــسـيـــة :
السٌّمعَة : 0
تاريخ التسجيل : 02/08/2009

مُساهمةموضوع: رد: شاب من غزة يصف حياته في 20 يوم من القصف   السبت 14 نوفمبر 2009, 4:43 pm

^^ شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنوته كوول
محبوب الجماهير
محبوب الجماهير
avatar

انثى
عدد المساهمات : 2971
العمر : 20
الموقع : في كل مكان
العمل/الترفيه : كل حاجة
المزاج : مشغول بالي جداااااااااااااااااا
للأذكياء فقط !!! :
0 / 1000 / 100

التقيد بالقوانين :
100 / 100100 / 100

المزاآاجـ :
الجنــــسـيـــة :
السٌّمعَة : 6
تاريخ التسجيل : 10/11/2008

مُساهمةموضوع: رد: شاب من غزة يصف حياته في 20 يوم من القصف   السبت 14 نوفمبر 2009, 4:52 pm

العفو يا بطيخة على رأيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.aush.hooxs.com
 
شاب من غزة يصف حياته في 20 يوم من القصف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~ °®» Au$h «®° ~ :: •!¦[• قسم اللعب و الترفيه•]¦!• :: ••[ ترفيهـ وضحكـ وفرفشهـ من نوع خــآآآإإآآص *~-
انتقل الى: