~{.. My OffiCaL PaGe ..| Mc.AhMaD |.. FrOm Un!M!keS TeAm ..}~

إزيـــكم يا شبـاب .؟
عــاملين إيـه .؟
إن شـآء الله تكـونوا بخيــر وفي أفضــل حــال

طبعــاً أنا حابب أشكر أصحاب الفكـرة الرائعة دي
على التقدم والتطوير المستمر في أقسام المنتدى
ومؤكـد هيجي اليوم اليرجعـوا فيـه أعضـآء المنتدى لسابق عهدهم

وإنهــآرده طبعاً أنا هبدأ أحط كل ما يخصني
يوميـاتي ، ذكرياتي ، إنجازاتي
وإن شاء الله تكــون الذاكــرة قوية
عشـــان أقدر أحط الكم الكافي والوافي إن شاء الله

$~{.. My OffiCaL PaGe ..| Mc.AhMaD |.. FrOm Un!M!keS TeAm ..}~ 8818_1243479124513_1155411549_30748224_7015084_n$

My NaMe : AhMaD aDeL
NickNaMe : ~Mc.AhMaD~
Birth Day : 1.5.1994
Age : 16 Years Old
Nationality : Egyption
Place Of Birth : Al Ain , UaE
JoB : Student , RaPpEr
FaVoUriTe HoBBy's : Make Some Pices Of Music , Playing FoOt Ball , Basket Ball , Hand Ball , Writing Storys
FaVoUriTe FoOd : PiZzA , ZinGeR
FaVoUriTe Colour's : ReD & BlaCk
My Network PaGeS : On FaceBooK , On Youtube , On 4shared , Offical Site 4 U.M.T

CuT ..}~

1.3.2010
صحيت كالعادة على صوت خناقة اخواتي مع بعض الصبح قبل المدرسة
قومت اتوضيت وصليت وفطرت ولبست بعدين نزلت أستنى الباص مع الشباب
وحصل موقف لا ينسى مع واحد من الشباب اصحابنا ههههههههههههههه
دعوات عبدو بتتحقق علطول .. الولا كان بيظبط الغطرة قدام بناية البنك العربي
وعبدو بيقولو يارب الحمام يعملها عليك هههههه ومافيش 3 ثواني وربنا استجاب
لدعاء عبدو والحمامة ما قصرتش والولا راح من غير الغطرة واتبهدل الصبح
ههههههههههه المهم روحنا المدرسة واتنفخنا اول حصة عشان كان علينا فيزيا
وبعدين عدى اليوم عادي ورجعت البيت اتغديت ونمت بعدين صحيت المغرب
ذاكرت خلصت قعدت على الكمبيوتر بقى اصيع مع شوية الصيع العندي على الميل
وبعدين قعدت أكتب بقى عشان تراك المسابقة ، ادعولي ربنا يوفقني أنا والفريق وناخد مركز حلو فيها
وبعد كدة قفلت ونمت الساعة 1.30 مساءً ، والحمد لله عدى اليوم ده بأمان وسلام

~ يوم من أيام حيـاتي ~

إفتكرت يوم وداع وليـد لينا .. وإزاي كنا كلنا زعلانين واحنا بنحول معاه الشنط
وإفتكرت أيامنا سوا ، مع إنها ما كانتش طويلة بس كانت جميلة
وإفتكرت جمل كتيرة من القالهالنا ، ونصايح مهمة إدهالنا ، ودروس كتيرة علمهالنا
فعـلاً يا وليد كنت أخ وصاحب وصديق ورفيق وحتى بعد ما مشيت وبعدت عننا
صورتك مش عايزة تغيب عننا ، عشان محفورة في قلبنا وفي عقلنا دايماً
وشكراً يا أعظم أخ عندنا على وقتك القضيتوا معانا والبجد حققنا فيه أجمل الأيام

~ من إنجازاتي في حياتي ~

أنا الحمد لله ربنا موفقني جداً في حياتي ، ويمكن أهم حاجة ربنا إدهاني
هي أمي ربنا يحميها وأبوية واخواتي ، لإن بجد لولاهم ما كنتش هوصل
للأنا وصلتلوا ده ولو كان طبعاً الأنا وصلتلوا ده مش ظاهر أو معروف عند أغلبكوا
بس بجد أنا حققت حجات كتير من ورا تعب أهلي علية وهحاول أرتبهالكم بحيث
كل إنجاز عملتلوا قبل كدة يكتب هنا بترتيب أيام الشهر لحد ما أحس إني خلصت
وأحب أبدأ من حيث المستوى الدراسي ، أنا الحمد لله من صغري وأنا متفوق ( بلاش حسد )
والحمد لله في الصف الأول كنت في مدرسة أبو ذر الغفاري وكانت بتدرسني ( أبلة مريم )
بقت مديرة في المدرسة دلوقتي ههههههه الأيام بتعدي بسرعة برضو
وفي الصف الأول سنة 1999م ( طبعاً مش فاكر التاريخ بالظبط لكن لو رجعت
شفت الشهادة هجيبلكوا التاريخ ) حصلت على أول شهادة شكر وتقدير من المدرسة
على حسن سلوكي في الصفوعلى التزامي ونشاطي الدائم في المدرسة واتكرمت في الطابور
قدام المدرسة كلها وحصلت على الترتيب الأول برضو واتعلقت صورتي في لوحة شرف المدرسة
وكانت فرحة ما بعدها فرحة ، ودفعة هايلة جداً رفعت معنوياتي وساعدتني فـ إني أكمل مشواري

CuT ..}~

2.3.2010
أمي صحيتني الصبح تسألني هتروح ولا لا ؟! قولتلها غريبة يعني اشمعنى السؤال ده انهارده ؟!
قالتلي الدنيا بتمطر وكدة .. روحت شادد الغطى ونمت وهي فهمت ( السكوت علامة برضو )
وصحيت الساعة 7.30 على مكالمة ( أسير الحب ) بيطمن علية هههههههه قلب الأم برضو
وبعدين قفلت معاه ونمت تاني ( نوم العوافي معلش ) صحيت الساعة 8 اتوضيت وصليت
وبعدين قعدت على الجهاز في محاولة إني أخلص كتابة للمقطع بتاع المسابقة والحمد لله
على نهاية اليوم خلصت المقطع بس ناقص الكورس وبقيت الأغنية ان شاء الله هحاول
أخلص كتابتها قبل يوم الخميس ( الهو يوم التسجيل بإذن الله ) .. نرجع تاني لليوم بتاعنا
طبعاً فضلت قاعد على الجهاز ما اتحركتش من أول ما صحيت لغاية الساعة 11 بليل
وما فتحتش كتاب للأسف .. ما كانش فيا دماغ للمذاكرة وكدة .. وطول الوقت مشغول
بتراك المسابقة عشان أطلعه أحسن حاجة بإذن الله ..

~ يوم من أيام حيـاتي ~

إنهـارده إفتكرت حاجة غريبة شوية ..
كنت بكلم أهلي في مصر وكدة عـ النت
وجاتلي فترة صمت كدة استرجعت فيها أيام
كتير عدت علية في مصر مع أهلي وقرايبي ونسايبي واصحابي
وافتكرت أما كنت بطلع ألعب في الشارع
وأجري وأتسابق مع أتخن تخين في حتتنا وأسبقه
كنت جامد وانا صغير والله .. ههههههههههه
وكنت أروح اشتري عصير القصب فـ يوم
واليوم التاني أشتري تمر هندي
وكنت عايش عليهم طول الليل والنهار
يااااااااااه وحشني والله عم سلامة الكان بيبيعلنا على أول الشارع
يارييييت لو أرجع صغير تااني ، بجد كنت في نعمة وما كنتش حاسس بيها

~ من إنجازاتي في حياتي ~

أنا زي ما قولتلكم أنجزت حجات كتيرة أوي في حياتي وذكرتلكم من الجانب الدراسي ..
دلوقتي هذكرلكم من الجانب الترفيهي عملت ايه
أنا والدي الحمد لله شاطر جداً في الكمبيوتر وانا طالع زيه ( ابن الوز عوام برضو ) ههههههه
فكان جايبلي كمبيوتر من وانا في كي جي 2
وكنت بلعب عليه تقريباً على ( برامج الأسرة ) لو حد يفتكرها .. الألعاب التعليمية دي
وكنت برضو محترف تقفيل ألعاب
كنت بجيب اللعبة من دول واشتغل يوم كامل عليها لغاية اما اقفلها
وكانوا عيال البناية عندنا يستغربوا مني بسبب إني كنت بقفل الألعاب دي في زمن قياسي
والأمر الشيق أكتر هو إني كنت أول واحد في كل اصحابي
ألعب ألعاب البليستيشن 1 كلها على الكمبيوتر
وده لإن والدي كان جايبلي برنامج بيشغل سيديهات البليستيشن على الكمبيوتر
وأنا ما كنتش مقصر بصراحة فكان ده إنجاز كويس جداً في حياتي ( أول من لعب البليستيشن على الكمبيوتر في عجمان )

CuT ..}~

3.3.2010
صحيت الصبح على أمل إني ألاقي الدنيا غرقانة عشان اكمل نوم
بس للأسف مش كل يوم عيد زي ما بيقولوا
اتزفت روحت المدرسة كالعادة
اترزعت 6 حصص وامتحنت فيزيا عملي
واتنفخت في مسابقة الإنجليزي ..
الراجل الأجنبي الجاي من بريطانيا ده عمال يخبط الطاولة ويرزع في الكورسي وهو بيشرح المسابقة ( انا قولت الراجل اتجنن )
واما طلعت بسأل واحد من الكانوا معانا بقولوا هو ماله التور ده بيزعق ومتنرفز على اهالينا الصبح كدة ليه ..
قالي كان بيقول " عايزين رجالة ، عايزين شغل ليل بنهار ، مش عايزين هزار ولعب وتفاهة "
الجملتين دول خلو يجنن .. ربنا يشفي البني آدمين .. آمين
وبعدين رجعت نمت طبعاً من الساعة 4 العصر لغاية الساعة 9 بليل عشان اعرف اسهر كويس
وأشوف الماتش وانا مستريح مش نعسان
واهو فاضل على الماتش نص ساعة يارب يعدو بسرعة بس
وطبعاً فرحني حسن أأووووي اما سمعني ترااك المسابقة
بجد مقطعه جااااامد آآآخر حاااجة .. وقريييباً جداً هنحط تراكات المسابقة كلها في المنتدى ان شاء الله ..

~ يوم من أيام حيـاتي ~

أفتكر في صف سادس .. ( أول ما بدأت أسمع أغاني ) هههههههههه كان أفضل مغني أجنبي عندي هو ( مساري ) وكنت بحبله أغنيتين تلاتة اوي كدة تقريباً كانوا ..
( Real Love , Be Eazy , والأخيرة نسيتها ) إكمني بعد كدة كرهتوا وما بقيتش أحب أسمعه ولا أبصله حتى
لإنوا طلع لامؤاخذة قرن كبير
وبعد كدة بقيت أحب أسمع Akon أوي ولحد دلوقتي عندي ليه أغاني ما تتنسيش زي ( Smack That , I Wanna Love U , I Tried ) وغيرهم كتير برضو
بس طبعاً بأفتكر الأفضل حالياً
وطبعاً لو جيت أقارن نفسي من 5 سنين بدلوقتي هلاقي فرق شاسع
لإن حالياً ما بسمعش غير راب عربي وبس يعني زمان كنت بسمع راب عربي بس خفيف اوي
مودي راب ، جيمي كدة .. بس دلوقتي بسمع كله على كله وما بقاش بيهمني غير اخبار الرابرز العرب

~ من إنجازاتي في حياتي ~

ممكن نقول أنا حصلت على جوائز كتير في حياتي
وتقريباً أولى الجوائز كانت في الصف الثاني بمدرسة أبو ذر الغفاري وكانت في مسابقة تربية موسيقية
وكانت على ( الأورج ) .. وأخدت أول على المنطقة وتاني على الدولة ..
وأفتكر إن الجايزة كانت درع وشهادة تقدير .. ( جوايزهم ما كانتش بتودي ولا بتجيب )

CuT ..}~

» {.. Ma9r By Un!M!Ke$ ,, (( AuSh-Dj & AbdoOo & JoKeY & Mc.AhMaD )) New HoOoT TrAcK ..}
» (New Hit) Basma - UniMikes Team
» BoM..BoM..BoM ~ The First Hit From UniMikes Team ((E7sas Majroo7)) DownLoad Naw ~ !!
» My page