ليش الحب حرام

ثكب كلبي
ومن ثكب جواني
وشده فكري ... جمر البوجداني
سد عليه ابواب افراحه الزمان
وفوك هم بُعد الولف عاداني
اه من بعد الحبيب
الجان يفرح..
صدفه لو لاكاني
ابكلبه آني
ماكو ثاني
لو عطش كلبي سكاني
وبرحيق ارضاب يكطر من شهد..
بالحب رواني
جان يستاهل اتاني
جان يستاهل حناني
++
اه من بعد الحبيب
خله ساعات العمر كلهه ملل
اه من الليل لو وكته وصل
اه من الدمع لو علخد نزل
اه من افراك طلتك يا حبيب
اه من افراك شفتك ياعسل
اه من نورك المنه .. حتى بدر البلسمه غاب وافل
يا ليالي الشوك خليني بجروحي
غافي يم شاطي الخجل
الحب حرام
الحب حرام ابعرف مليان ابجهل
الحب حرام وصار تهمه
بيهه دلالي انجتل..لاماكو حل
ليش الامل
+
+
اه من تالي الليالي
اه من تالي الليالي ... ابلا حبيب
من يمر طيفه اعله بالي ..
يكحل اعيوني الدمع..
وابجي ابنحيب
واسأل ومامش مُجيب ..
صرت اسلي الروح بيام الخوالي
واقنع بوضعي العجيب
ليش احس نفسي غريب
ليش محبوبي هجرني
وخله دلالي كئيب
العشك مو قسمه ونصيب
وفقط سهمه !!
لو خطه كلبك يصيب
وانت افهم يالبيب
++
حل سؤالي
حل سؤالي عن سبب هجرك اليه
وفسر اسباب العذاب الصب عليه
وليش نارك تجوي بيه
وانه نارك وانته ناري
شنهو ذنبي وهاي هيه
حل سؤالي .. وصير لجروحي طبيب
ليش من دون البشر كلبي ابلهيب
لو اموت هوايه ارحم
من عذابك
يا رهيب
++
+
لف فؤادي بدافي حبك ياكياني
مد اديك وطفي جمر الي جواني
لاتصدك من يكلك اني واني
صدك كليبي اليحبك ...
وانه راويتك حناني
لاتخليني اعاني
الم بعدك
يارهيب
++
بيدك اروي .. عطش روحي البيهه انته
بيدك اكطع .. حبل بُعد الي عشكته
وبشفايف ذكرياتك .. يامه بسته
الله يشهد علعذاب الي حملته
من وكع حبك بروحي
انت شلتــه
راد يغرك..
وانتشلته
حلم حبنه وانته شفته
ومبسم الحب انته شفته
حبنه ورّد
ليش من ورّد كطعته؟
طير فرح الروح غرّد
ليش صدته؟
وبقفص هجرك سجنته؟
يالكلب كلبي سجنته
انته انته .. وحدك انته
ليش دلّلاك تنهد من سألته...
ليش عفته؟
احلى حب ابكل برودك
ليش خنته
بيش بعته؟
والكلام الي سمعته
انته كلته؟
ما اصدّك ...
++
لو أموت
هوايه ارحم
من عذابك
يارهيب
الحب حرام
الحب حرام ابعرف مليان ابجهل
الحب حرام وصار تهمه
بيهه دلالي انجتل..لاماكو حل
ليش الامل
+