ازاي تعرفي عريسك بدري بدري !!

ازاي تعرفي عريسك بدري بدري !!
انا هقلكم من طريقة اكله

اسمعي معايا و ركزي كده ...

1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول.. يبقى شخص معتدل في عواطفه
وقراراته ويبقى ده آخر الرجال المحترمين..
كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي.. وطايش..
وأوعي تتجوزيه أحسن ياكلك وانتي نايمة....؟؟

3- أما إذا كان مش مهتم بالمرة.. لايقولك ده حلو ولا ده عادم ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان
يبقى إنسان مالوش لزمه .. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست ف وقت واحد واعملي حسابك هاتركبي وتدلدلي
رجلييكي.

4- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من ع الأكل قبل أي حد تاني.
يبقى متسرع.. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
إخلعي إنتي بدري أحسن لكرامتك.

5- أما إذا كان بياكل على مهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم ف الأكل من العصر للمغرب .
حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟
نظااااام شلل رعاش
بدري.... بدري....
إخلعي يا أمي...

6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. معلش"
""معلش برَّه يا حبيبي وخد الباب ف أيدك""

7- أما إذا كان دايمًا قرفاااان دايمًا مش عاجبه العجب ولا الصيام ف رجب..
يع.. الملوخية تقيلة.. ياي.. السمنة كتيرة على وش الشوربة..
ياساتر.. دا محشي ولا صوابع مووووز..
أووووف.. الرز محصويل.. يامَّه المكرونة معجنة..
إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هايطلعك منها زي الشعرة م العجيييين

والأحسن من ده كله.....

مالها القعدة ف بيت أبووووووكي؟؟

... تحياتي ليكم ....

~ Sweety Angel ~

زائر

ههههههههههههههه

والله موضوع زي الفل يا نوودي..

تسلم ايديك على مواضيعك الحلوة..

لا تحرمينا من جديدك..

مرسي يا اسير على الرد و المرور
بجد والله نورت الموضوع يا جميل
و منتحرمش منك ابداا ولا من ردودك...يااارب

و مرة تانية بشكرك على ردك ...^^

ههههههههههههه

تسلم أيدك يا قمر على الموضوع

والأحسن من ده كله.....

مالها القعدة ف بيت أبووووووكي؟؟

ههههههههه

أه والله ملها ؟؟

مشكووره مره تنية متحرمناش

من مواضيعك ^ــ^"

مع تحياتي

يسلمو على المـوضوع يا قمر

كتير حلو Wink

شكرا علي الموضوع الحلو مستنين جديدك

نااايس و كووول وانتي الاحلى خليكي ع طووووول .......

تسلم ايدك على التوبيك الجامد دة

مرسي ليكم كلكم ..

و مرسي لي مروركم و ردكم المنور التوووبك ...^^

و سوووري لاني رديت عليكم متأخر كده ...^^

تحياااتي للكل ...

ههههههههههههههههههههههههههههههه

موضوع شديد

تسلمي يا سويتي

كووويس انو التووبك عجبكم..

و مرسي يا اووش على المرور و الرد...

نورت التووبكـ بردكـ ...

و متحرمناااش من ردودكـ..

ههههههههههههههههـ فكره و طريقة حلوه